《失而復得》 ⁡ 我係個紅斑狼瘡症(SLE)同罕見病僵硬人症候群嘅患者，我好努力面對2個病帶俾我嘅唔舒服，克服好多困難，帶住拐杖同尿喉過而家嘅生活！ ⁡ 2012年我17歲，當時我同同年嘅朋友一樣都係備戰緊DSE，突如其來大病一場打亂咗我嘅所有計劃！開始食好多藥，多到有時會覺得好似食咗第二份早餐咁😂 ⁡ SLE上腦導致我神志不清；心包積水、肺栓塞、肺榻陷令我唞氣辛苦；腎炎，成日會水腫…… ⁡ 而罕見病影響我跟腱同肌肉，令我行路行得唔穩陣、條筋縮咗上去；膀胱肌肉受影響，自己屙唔到小便、又成日膀胱痙攣，由於我對腳比較差所以醫生建議我用尿喉。 ⁡ 年少輕狂嘅時候患病，咁年輕就孭住尿袋、揸住拐杖，其實生活上真係有好多唔方便，但唔知點解我好接納佢哋係我身體嘅一部份，可能因為我知道冇佢哋嘅話我連日常生活都handle唔到！ ⁡ 所以每次喺街上面有陌生人問起我點解咁後生要揸拐杖，我唔會話佢哋，反而好欣賞佢哋有問嘅勇氣同好奇心😂我次次都會微笑咁同佢哋講「因為我病咗☺️」 ⁡ 冇錯我失去咗健康，但而家終於重新攞返生活嘅主導權！更加攞得返我嘅快樂❤️ 失而復得嘅感覺真係好！我會繼續努力💪🏻 我嘅座右銘: