十日內觀課程終於完滿結束，感覺好似入一入煉獄門口，擦一擦邊，再出返嚟咁（好彩冇中途走佬） 離開嘅時候，心中好放鬆、輕盈、和諧同安詳 課程嘅副作用—令我哋嘅雜念減少，減少，再減少，對感受唔再產生多餘嘅反應 雜念其實喺一個果 因：喺我哋對所接收到嘅感受作出回應 人類為咗自保，大腦會無時無刻根據呢啲感受作出求生嘅反應。當遇上生與死關頭，呢啲反應的確可以救我哋一命。但當呢啲感受只喺源自於日常生活嘅瑣碎事，不停咁去作出評價/回應，一個又一個，一個又一個，一個又一個嘅雜念就會不停，不停，不停咁生起，習性行為就會逐漸形成，無限永續，變相永遠困住自己喺痛苦當中 無奈嘅喺，生而為人，我地冇可能冇感受 因為我哋喺肉體+心靈嘅複合體，有一系列嘅感官嘅接收器 但對於呢啲感受俾唔俾出反應，我哋喺有自由意志去選擇。前提喺，我哋有冇覺察到自己當下喺為反應而反應，喺有意識定無識？ 今次嘅課程俾我一窺呢個領域內部嘅一少部分 自己只喺一個極之初哥嘅門外漢 修行就在每一刻，每一處，每一天 外觀最強調嘅部份就喺要透過自己持之以恆嘅練習，親身去體驗，而唔喺只喺睇文字或聽人講，先至可以領悟到箇中嘅原理同成果