有一種特質我好想改左佢，但咁多年都係咁。就係方丈為人好小氣，如果你得罪過我，對我唔禮貌，我可以記仇好耐，而且基本上唔會因為任何事變返好。 呢種感覺好似係自然產生嘅情感，好似鐘意人咁唔係故意產生咁。最煩既係就算件事就算係因為我做錯我7我搞錯都好，只要對方係公開場合講我，俾其他人聽到，然後口吻係唔禮貌要令我難堪既話，我差唔多就會記左仇，然後就表面和善，內心講曬粗口。 我care個點好似係令人難堪，同當場被人數落冇臉好樣衰，不過應該個個都唔想樣衰。不過都係個句，點解錯就要屌要鬧，係唔係好少人會唔想對方聽落唔舒服，而選擇溫柔咁講嘢。（其實好多，只係我淨係記仇唔記恩） 然後下次見到佢我都係會笑笑口扮無嘢發生。