既然，曼聯高層、球迷唔肯畀坦克入黑暗期，點解，又會容許阿慕廉入黑暗期？唔係雙重標準咩？ 費格遜告別奧脫福曾經講過 "Your job now is to stand by the new manager." 曼聯球迷成日喺請新領隊後講呢句說話。原來，高層做錯決定，炒錯坦克，請錯阿慕廉都要支持？佢哋敢唔敢批評拉傑夫為首嘅足球部？ 傳聞曼聯請阿慕廉嗰陣，我分析足球歷史、戰術、英超強隊戰術趨勢，預言佢唔會教得掂。當時，中醫曼筆支持者問我係咪好憎阿慕廉、點解要喺一場未教下睇衰佢。而家，佢哋應該無地自容。 reddevilshk Instagram 專區同樣有一班認為我係黐線，相信阿慕廉會成功嘅球迷。佢哋繼續噉諗，只會繼續凸顯自己無知。 歷史在笑，笑佢哋無知、不知愧恥、毫無反省。我行得前過佢哋，注定畀佢哋批評。不過，我鍾意呢種畀佢哋批評。 曼聯