一直影景直到世界將我遺棄 Day147 以前成日覺得無乜人理我 一個聚會入面 明明大家都係閑話家常 點解人地講野就人聽 我講就無人聽 一直以為只係未揾到聆聽者 但活得越耐越發現 其實只係自己收收埋埋 而唔係講嘢談吐出問題 例如我平時好少同一個工作同事傾計 今日屎忽㾗同佢講我去左上興趣班 佢即刻話好有興趣聽 事實證明我真係好少主動去分享 我會預判對方想唔想聽自己既分享 假定一切發生喺自己身上既事都係無聊事 亦成日將個主動權交俾人 一味等嗰啲自願想認識我既人出現 但根本無考慮過自己其實係零吸引力 無人想approach 揾女朋友亦同樣 自己一語道破鬧醒自己 但亦因為係自己 所以鬧完都唔會有咩反應 係唔係好變態呢🤣🤣 攝於石硤尾 下午5:45