我奶奶好想抱孫，但我同老公都有共識5年內都唔會要小朋友。至於將來就再睇睇環境、心態之類再決定。但結婚以嚟，我奶奶真係會係咁催，佢催嘅方式好特別，佢已經assume你會生咁🙃 1️⃣：我老公阿妹部鋼琴要扔，佢問我要唔要，第日生女可以用。 2️⃣：原本同奶奶住，我哋要搬走個陣，佢話要係我哋原本間房整張BB床，第日方面佢湊孫。 3️⃣：同佢分享最近減肥，要食少啲澱粉。佢話唔會減太多，太瘦生仔會辛苦啲。 仲有太多太多…… 周不時都要提住我哋，我30歲前至少要生一個🙃🙃 琴晚同奶奶食飯又嚟料，講開我哋間屋遲啲會裝新傢俬，佢叫我裝個日唔好在場，因為啲「碰碰聲」會影響個胎！我聽完之後，真係黑人問號？我幾時有咗BB，我自己都唔知😑😑 雖則話5年後再決定，但我同老公都幾肯定我哋真係唔會要小朋友，到時都唔知可以點令奶奶接受呢件事🤣🤣🤣