去過咁多次日本梗係有日本求醫經驗啦 頭暈身㷫食成藥都無效時要求醫 第一件事係去日本官網搵有英文或中文的醫療機構求醫 按地點同語言，睇咩科及支付方法揾 https://www.jnto.go.jp/emergency/chc/mi_guide.html 想去醫院就要朝早開診時去，因為醫院門診朝早收晒新症就唔睇症 下晝想睇就揀醫療中心或診所 醫藥費要幾多錢呢 肯睇外國人症的地方都會收信用卡 我兩次睇都唔記得左claim 保險 兩次睇醫生做化驗連藥大概三萬yen 呢D 只係頭暈身㷫的例子啦 上次在醫院睇 有個講英文的護士陪同 佢陪我做登記手續 要做化驗時化驗室又俾左張英文地圖同說明書點做 然後佢就去左工作 我自己完成化驗同埋見醫生 之後護士帶我去收銀處排隊俾錢 佢行開做野 到我俾完錢後 護士攞埋袋藥俾我教我服用方法 原來佢行開係去藥房幫我攞藥 咁我俾完錢之際就有埋藥可以離開 唔使去藥房等 佢真係考慮周到!