【有冇可能喺 study leave 由 Lv5 變 5*？】 咁啱同學問起，同大家算算盤帳： ➡️ P1 Lv5 -> 5* ：只差三分，只要答對多三條，就可以拎5* ➡️ P2 Lv5 -> 5* ：兩篇文，每位marker要俾多你一分 655->665 ➡️ P3 Lv5 -> 5* ：聆聽同綜合，兩部份夾埋要多六分 可能有人覺得，三分又好一分都好，係一道難以逾越的鴻溝。 操卷操極個分數始終上唔到去。 你問我。我會覺得三四分，都不過是機率範圍內的事情。 考試當日，叻考生食錯嘢肚痛、唔見嗰三四分，佢個位就會吉出嚟。 較弱考生進入狀態、剛好溫到條題目，拎多幾分其實唔出奇。 仲記得當年考pure，考前嗰晚溫到好夜。 第二朝一醒面前份notes係Cauchy’s Inequality，望多幾眼、梳洗完就趕考場了。 結果嗰日發大達。長題目就考Cauchy俾你睇，我乜都轟晒落去。 咁就攞到A㗎啦。 如果嗰晚夜得滯唔知醒、或者面前嗰頁唔係Cauchy，嗰結局可能會天翻地覆。 「咁講，係咪要等運到呢？」 你唔努力，啲運點會嚟啊？考試之神點會眷顧你？ 一刻未完卷，乜叉都有可能發生。 DSE