【搞清楚 「整頓職場」 同「工作無責任感」】 我以為嘅整頓職場係🙄 1）拒絕不合理嘅要求（開無意義嘅會，一個人負責多樣工作，underpaid ） 2）準時收工，拒絕 OT 3）收工後不覆「不緊急」嘅MSG 但我喺thread 上所見嘅「00後整頓職場」其實係⋯ 無工作責任感🤯 1）接左嘅工作鍾意就做，唔鍾意就唔做 （其實我做到，但我突然唔想做） 2）對工作唔認真 （輕視工作性質，工作前無預備） 3）臨時失場，消失而毫無原因 職場文化唔係一朝一夕可以改變，亦唔係單方面可以改變到。 僱主要了解年輕人工作嘅期望，減少有毒工作文化，先可以留到/培育人材。初出茅廬嘅年輕人要認清楚自己嘅能力水平（唔止係家庭經濟狀況），將來想行嘅路係點樣(一世做Freelance ? 要創業？要追夢？)，但不論如何，要對「承擔左」嘅工作認真對待。 此文不針對 00 後，年輕嘅我地都會想 「整頓職場」，都會犯錯、都會對工作不上心，呢個唔係咩X、Y、Z世代嘅人嘅問題。講真，邊個想有開工無收工，做野要一打十，人工underpaid ⋯要有「良好嘅工作環境」係我地轉變成社會人嘅共同目標黎。🫡 整頓職場