聽情歌嚟講，未必係因為有共鳴而聽嚟發洩，有時反而因為未試過嗰啲經歷，所以想聽下感受下，借啲二手經驗嚟體會愛情嘅轟烈。 間唔時聽住歌手聲嘶力竭咁唱詞人所寫嘅悲壯故事，都會好好奇咁諗，原來人真係可以咁鍾意另一個人？歌手功力夠深厚嘅話又唱到勁有說服力，於是就吸到我入個故仔入面。 唔係無經歷過單戀，但未能明白嗰種卑微，可能骨子裡太自戀，卑微一陣就會厭惡、覺得對方憑乜嘢，然後就會醒。 可以無怨無悔咁去愛嘅人，唔止有勇氣，仲好偉大。