如果你用香港迪士尼個遊客種類去定義，其實真係冇幾多個執到人哋嘢會主動交去cityhall或者交畀其他演藝人員，我已經唔止一次見嗰啲人喺港迪執到人哋啲嘢係直接自己拎咗去用，我講緊係網上直頭po出嚟，就算我自己身為樂園嘅演藝人員都好，其實真係都冇乜太大權力可以要求人哋配合檢查 我記得上年有一次係個同事唔見咗個apple耳機，咁我哋就搵咗保安幫我哋搵，亦都因為我哋開咗定位，我哋就定到大概係咩位，就算係保安都好，其實你要保安係要求啲賓客主動打開個背囊去睇，其實冇幾多個會肯，因為私隱政策問題就算我哋自己啲條款都唔會畀我哋咁樣做到，咁我果下就用咗一個賓客嘅身份係問咗嗰邊嗰幾個可唔可以打開個背囊畀我哋睇，咁當然佢哋都唔肯啦，就算我哋出示埋個定位係喺佢哋幾個人附近都唔開，咁樣就無計啦，惟有自認倒霉咁樣 另外有一點，就係散場嗰陣都要做檢查既，唔單單造成樂園出口嚴重擠塞，係影響埋部分交通工具既調配問題，預上一啲唔合作既，更加會拉長成個等候時間