煮咗咁多年飯，我都仲係咁抗拒觸摸生肉 😩 唔知有冇人同我一樣？ 好在喺日本生活時學咗個方法，令件事冇咁痛苦：就係一次過處理！ 1️⃣ 戴對即棄手套，分切+醃好成個星期要煮嘅肉類。 2️⃣ 按一次食用份量分裝，兩日內會用嘅放雪櫃，其他攤平放冰格（一片片雪慳冰格位，仲容易解凍） 3️⃣ 煮飯前只要成袋沖水（或前一晚放雪櫃）解凍，喺個袋度唧出嚟，唔駛再摸生肉，方便到喊！ 呢個方法唔係咩新鮮事，但對我呢啲怕麻煩＋有少少潔癖嘅人嚟講，真係救命之法！ 仲係我其中一個 ADHD hack🧠：一次搞掂唔鍾意嘅嘢，減少日常負擔。 希望呢個方法幫到同樣怕摸生肉嘅其他人～ 煮飯日常