首先，情感表達好棘手，喺生日會後打定篇作文，發覺到呢一刻一個字都岀唔到。 生日會最令我有反應並唔係8分幾鐘，係一句「喺未來，喺28歲開始，應承大家，成為一個更好嘅人，令大家感到驕傲嘅人。」 「驕傲」可以簡單到佢仲在生都可以係，呢個詞語無特定嘅定義要成為乜嘢偉人先做到。或者因為年齡相近，我意識覺得佢比我犀利好多，所以代入「偶像」情感從而發大。（雖然打完呢句我覺得我其實本身都好犀利sorry） 我質疑過咩叫支持，係咪一定要show me your love，一定要有special terms先叫俾人知道我愛呢？甚至有時見到表白同心痛文章，我都會諗其實我一個字都寫唔到，好難寫。俾人話過要我讚佢係一件好難嘅事添。但對住佢，一如既往只有一句「Proud of you」。