唔知你地有冇試過對一面之緣既人念念不忘呢？ 好多朋友都知我有精神病(雖然依家好返)，有次我發病凌晨十二點走左上去紀律部隊宿舍，走圍散步咁走來走去，自己都控制唔到自己。行行下去到A座，我照常等笠，因為凌晨時間冇乜人，之前咁多次行來行去都冇撞到人，只係得的保安坐係大堂。 行到咁上下前面突然間出現咗個男仔同我一齊等笠，咁我照常亂咁禁左32樓，個男仔34樓。唔望猶自可，一望我就張佢個樣記到依家，喂理想型喎，有幾可會遇到，又眼大大又靚仔又正氣。咁果下我就冇膽攞電話IG啦，我又好想攞喎但係，個人又瘟瘟沌沌唔知做緊乜，點知到咗32樓我情急下冇出笠閂咗部𨋢，個男仔都好奇怪我做乜，但果下我就決定膽粗粗想問佢攞IG，話咁快到左34樓，我情急下跟咗個男仔出笠，佢一望到跟住，佢就勁惡咁啤埋來，嚇到我講咗句對唔住就走咗😂 不過後來就知大件事，諗返都覺得件事癲，你話如果比我正常情況下遇到你話幾好呢。香港好多白卡嘅人，但其實我地都唔想😩 拿，精神病康復者都有權拍拖㗎吓，大家睇完唔好屌得咁大力。多謝大家睇到呢度😂件事珍珠都冇咁真，唔存在幻想成份🙂‍↔️