上星期開始以為自己條腰傷左。痛左幾日頂唔順就去睇跌打。 睇完之後發現啲痛楚由腰走左去前面大脾罅。之後又走左去腰側邊。仲越嚟越痛。都以為係神經痛⋯晚晚痛到瞓唔到，食唔落。之後發現腰後面有幾粒嘢細細粒。就發現應該係生蛇。尋日收工終於去左睇醫生証實係生蛇。醫生話我點解頂到咁多日痛先黎睇。而家唯有食特效藥同止痛藥去治療。雖然止痛藥仰勁。但一過咗藥力又痛少返。。。無生過蛇嘅未必感受到有幾痛。。。嗰種痛就係好似同一時間好多枝針頭拮落啲肉度再加上用電擊槍電甘。有時突然間會黎幾下超勁痛就會好似個傷口差唔多埋口突然扯返爆個傷口嗰下嘅感覺。。。 唉。。。我果然係癡線嘅人。咁叉痛都頂左甘多日 嗰晚Annual dinner仲要痛住做。我都真係佩服自己。 希望乖乖地食晒啲藥就好返晒啦⋯⋯