早幾日我講起有眼疾嘅 Sophie ，我包你估唔到，佢同佢嘅三個兄弟姊妹都係黑色，佢哋嘅媽媽係圖中見到嘅金髮女 😆 最尾嗰幅圖你見到嘅大肚腩男人就係執佢哋返嚟嘅人，後面係佢哋住嘅地方，但正如我之前講過大部分時間呢堆狗狗都係喺條街度。媽媽狗對我好信任，所以兩年前當我知道依五隻狗嘅問題，我同嗰個男人講呢啲狗要絕育，佢話佢冇錢，於是我就喺網上嗌啲朋友捐少少錢，而附近嘅獸醫知道佢哋類似係流浪狗狗所以亦都收得好平。平安夜前一日，我帶晒佢哋去做絕育手術。網上有個好心人借出佢嘅後院畀呢幾隻狗留一日 recover from 個手術。成班嘩鬼喺人哋屋企玩咗成日，unfortunately 平安夜嗰日要帶返佢哋返去嗰個男人屋企。（佢有叫我幫忙搵人收養佢哋，嗰個時間同情況下暫時冇其他辦法只有帶佢哋返去個男人度） 三日之後，好不幸一個意外發生咗 （下次再講）