分手第50日 想記錄下心路歷程 今日終於可以係其他人面前講起件事但冇喊出嚟 用較為平靜嘅方法去描述事件 唔再責怪自己 知道係對方嘅錯 自9月開始，我哋就不停圍繞HC去鬧交 大家講得啱，我真係好唔捨得，心軟唔想分手但又因為HC嘅存在，而感到好痛苦，好冇安全感，所以久唔久就問佢可唔可以同HC斷聯，淨係保持工作上溝通 當然佢唔答應，佢話根本同HC冇嘢，覺得同HC只係普通朋友嘅程度，傾偈好開心 其間我都有約唔同嘅朋友，問佢哋嘅意見 其實佢哋嗰陣已經提醒咗，我唔應該再同佢一齊落去 因為如果你已經明確表示，作為女朋友覺得唔開心，而佢又唔聽你講，其實表示佢唔再重視段關係 而佢而家唔同你分手，係因為仲未同HC發展到交往嘅程度 去到10月尾，Ex同我講要清Block Leave 想11月去韓國探下一嗰舊同事 之後就係我人生最痛苦嘅時候啦 佢去完之後，我發現原來佢係同HC去 我check完電話之後以為我可以忍住 但係原來唔得，就同佢嘈咗一輪 佢哋原來一早plan晒佢去邊度食飯 我冇辦法忍住自己嘅脾氣，但亦都唔捨得分手 只可以不停求佢唔好再同HC whatsapp 續