屋企廁所滲水 ，頭痕到喊，老實講，香港地搵間好嘅裝修公司真難過搵女朋友，年半前己經舐過一次嘢，今次醒咗搵咗好多唔同公司嚟睇完再簡，過程發現原來好多大陸專修滲水黨落咗嚟香港搵食，一個香港人加一個大陸人嚟到，拎住2部機是但照下就話你地台滲水，一定係沖涼位，唔洗扑磚唔洗鑿地，打幾支防水膠針就可以修復滲水，話打10支左右，$1200支，講講下又話段磅計，10幾磅到搞得掂，仲要係咁叫你即刻整埋，好快，2個鐘內搞掂，即日可以用返，仲包你十年保養，3日嚟咗4檔，有2檔都係一模一樣🤡1個香港人加1-2個大陸人（大大隻）另外2間公司係正路專業嘅！上網睇返打滲水針先發現原來好多呃人🤥整爛晒啲地不特止仲要霸王硬上弓坐地起價，幾千變幾皮，報警都冇用，最後我地響2間正路專業嘅簡咗其中一間，我先發現咩係好嘅裝修公司同專業嘅師傅，亦都未見過有咁全面嘅師傅，由設計，清拆，泥水，鋪磚，鋪地板，整櫃，油漆，連廁所同水喉管滲水全部一次過幫我搞好晒，講緊嘅係，同一個師傅識做晒所有嘢，工程進行咁多日我日日都一邊睇一邊問師傅，佢都好好耐性解釋同教我點解要咁做，仲有咩方法做，唔同做法嘅分別同好壞，（留言繼續）