細個阿爸阿媽一直都係做飲食業 每次翻到屋企都係呻話好攰好辛苦 好想我同兄弟姊妹讀好啲書唔洗好似佢哋咁樣捱 而由細聽到大嘅我每次聽完都心裡暗暗諗 「明明讀書仲辛苦 我寧願送外賣都起碼唔洗日日做咁多功課 又要記咁多嘢入腦」 到中學做暑期工個陣 機緣巧合翻過一份樓面+送外賣嘅parttime 先知道原來用體力勞動嘅工作真係好辛苦 不停企無得坐 又要趕頭趕命送外賣出去 翻完第一日搭地鐵個陣已經作嘔又勁頭痛 個一刻係完全想像唔到阿爸阿媽係點樣堅持做十年廿年 甚至咁多年黎因為行業性質 幾乎見唔到佢哋可以有得放孖day好好休息 個次parttime之後 其實會開始好敬佩做飲食業服務業嘅所有人 同時間都會感概父母可以堅持為咗頭家做一份咁辛苦嘅工作係好值得尊敬嘅事 到依家 只希望阿爸阿媽可以老得慢啲 因為依家就算做文職人工都好低.. 做夠十年八年都應該好難回報佢哋 老得慢啲 至少我買多幾年六合彩中獎機會都大啲..