Day 3 喺英國踩單車送外賣 開工就三個零鐘，實際做就兩個半，不過今日收穫一般 就算六點後有bonus，條數都係唔太掂 終於有同行同我傾計，撞到一個送去同一個地點嘅希臘人 佢問我係咪中國人，我話香港，佢話佢都識好多香港人朋友，但係佢哋全部都唔使做嘢 聽完我都畀唔到反應，唔記得答咗咩，跟住大家都各自忙 唔知佢啲朋友係全部中年人定全部大學生，可以唔洗做嘢，佢望落就30零歲咁啦 然後有一單送去大學圖書館，中餐嚟，仲有凍檸茶同鹹檸七 不意外，又係中國人，原來佢哋用咩飯團外賣最終都係隊返啲單俾uber 仲有明明我上個禮拜去溫書，見到好多告示寫明唔可以食外賣，最多只可以係微波爐叮飯 我忍唔住問佢 are u sure u can have takeaway food in the library? 佢就話咩有個kitchen，雖然印象中個廚房都係唔可以食外賣，但係都費事同佢講咁多 最後就係今日好多濕碎單，最低價錢，有兩單係餐廳同送貨地址距離兩分鐘單車 可能揸車嘅人唔會接，所以就派呢啲單畀單車 都幾啱我，我又唔鍾意踩得遠同埋去某啲區，呢啲細單賺下賺下，積少成多都幾和味 睇下聽日開唔開工！