農曆新年又就嚟到啦，係英國嘅朋友仔興唔興拜年呢我就唔知，但係每個月一次半聚會，就唔多唔少都會有。除非你係搬咗去與世隔絕嘅town 住啦😄. 一如以往除咗整蘿蔔糕、芋頭糕、馬蹄糕，年糕，之外會唔會整啲甜品呢？我為大家推介一款甜品，就算你係對甜品零知識都可以做出大廚級水準。 呢一盒酥皮喺Lidl 超市賣£1.49，有12件約3cm迷你嘅酥皮底。買返嚟之後放入預熱焗爐180度焗3-5分鐘，再喺外邊掃上一層糖漿，咁就變得好酥脆。因為嗰tart底本身係冇味嘅。到內餡吉士醬，喺超市賣Sauce嘅凍櫃有售，已經打發好Custard Sauce，你亦都可以自己製作，然後加上你喜歡嘅水果，咁一道懶人甜品就可以上枱啦😁 酥皮水果撻