紀錄昔日同奶奶住在一起的激氣事（4） 奶奶好迷信，會拜神、年年買風水書刨 佢鼻敏感嚴重，每朝裝完香就開曬全屋風扇（詳情請睇紀錄昔日同奶奶住在一起的激氣事1） 而我自己聞到煙係會出汗、反胃 疫情果陣有個升職機會 朝早zoom interview 但因為間房個環境唔適合zoom，張電腦枱擺廳，無奈要奶奶迴避一下 所以早一晚就同奶奶講左第二朝等zoom完先上香，應該只係15分鐘 到左朝早我做緊準備時，奶奶走去拎幾支香 我即刻話唔好裝住，等完左先 佢話要拜神祈福等我面試順利（我差啲反白眼） 我堅持話唔好，話唔聞得煙味，佢先肯晏啲裝香… 另外，在第一年同住過新年時 奶奶去廟同我借庫、搞犯太歲啲野 返到黎叫我袋住啲符同埋聲稱開左光既玉 佢完全無問過我信唔信就要我帶住 果下心情好複雜 一來我係完全唔信，二來唔敢拒絕，咁咪袋囉 後來第二年膽粗粗同奶奶講唔使幫我搞了，我唔信哩啲野（好似好衰咁，但我真係唔想袋住哩啲野..） 我會覺得借庫好似爭人錢咁，周身唔自在 而且我心靈未空虛到要信神信佛