Donald Trump最近就任美國總統，隨即解禁TikTok（可視為美國抖音）。但我對於佢嘅realpolitik政策無乜興趣，反而留意到Twitter上面有位TikTok工程師比較有趣嘅發言。 被問到會唔會俾自己小朋友用TikTok，佢答：「zero chance, brainrot」。而就算佢唔做Tiktok嘅開發人員，一樣會有人補上。當然，一心追求技術嘅人未必有動機去反思倫理問題，而輿論對此嘅批評通常係演算法嘅操縱會令人精神上癮，繼而危害社會。 關於呢點，個人認為最關鍵又最少被提到嘅視角係「精神受到操縱之下嘅『第 一 人 稱』視 角」。除咗煙酒性愛，相對accessible嘅方法有hypnosis，而CIA曾經用過嚟做人體實驗，相信目前仍然有研究價值。 之所以提到呢點，係我留意到無論係主流教育定係社交媒體，設計上都傾向引導人以第三人稱去思考同評論公共生活，看似科學但又唔具備科學價值。相對之下，值得摸索嘅方向係點樣避免帶有預設，踏實咁以第一身去觀察生活現象。