我記得2000年至2004年楊嬸有幾首歌完全橫掃晒香港嘅K房：《可惜我是水瓶座》、《一千零一個》、《假如讓我説下去》、《野孩子》、《飛女正傳》等等，應該都要歸功於填詞人林夕和黃偉文。 重點唔係想吹奏楊嬸，就算喺廿年前，都唔覺得佢唱歌有幾出眾。之不過K歌就係有一種魅力，旋律易上口就會流行。何況，啲歌詞真係唔係行貨。 只因為當年係神仙打交嘅年代，單計夕爺，2002年上叱吒榜嘅作品多達69首！ 前晚我不停聽返夕爺全盛時期嘅作品，最推嘅詞一定係梅姐同學友唱嘅《相愛很難》。年輕嘅時候，佢係一首流行歌。而家聽，就明白點解呢首係電影《男人四十》嘅主題曲。現代詩人嘅人生哲理，不用搭建瓊樓玉宇，直接展露無奈現實。 詞人中，我只服林夕。 「也許相愛很難 就難在其實雙方各有各寄望 怎麼辦 …… 愛不愛都難 未快樂先有責任給予對方 面露歡顏 得到浪漫 又要有空間 得到定局 卻怕去到終站 然後付出多 得到少 不介意豁達 又擔心 有人看不過眼」 https://youtu.be/4LbNW_1Gd6g?si=N0LmgxtfeZyB3-mE