《論進取駕駛態度》 揸大車唔同細車，首先唔係話停就停，亦無可能彈射起步，但就係有好多車長（無分年紀）以為自己揸緊私家車而忽視咗車上面仲有其他人： - 揸到舞龍咁款，成程車chok 到嘔； - 追綠唔追紅，但又唔識數綠燈時間而搞到相機燈位前急煞； - 兩架/三架巴士拍跳轉彎； - 抽頭太急； - 包頭打尖上客，但屎忽突哂出嚟； - 老龍行快線； - 3號仔篤油封自己人出匯合線； 其實，揸咁快為乜呢？為咗多嗰幾分鐘休息時間？根本本末倒置，就係有班撚屌成日揸得快，本來最少要1小時嘅車程你40分鐘就跑撚完，咁我點解仲要俾一粒鐘你行？秒秒鐘都出緊糧㗎！結果啲時間咪越扣越少，有啲線慢慢少到根本冇可能淨係行嗰條線，結果就拆散晒分比其他線做，大家一齊跳飛機🖕🖕。 你可能會話，車，咁係啲客變得少咗啫，關我鬼事咩！咁，既然都唔使咁多車，咁仲要你嚟做乜？見過啲夜更車長之間吹水嗰陣鬧啲人夜麻麻都出街黐撚線，夜麻麻就喺屋企啦，咁啱啦，你都返埋屋企啦，夜麻麻仲喺條街度揸架吉車把撚咩。 留言續 巴士日常