<克服演講恐懼> 入讀商學院第一年 我從來都唔怕咩讀書考試 但係有一樣嘢我係諗起都驚 就係做presentation 我記得頭果幾次演講 全班百幾人望住自己講嘢 真係會手震腳震口窒窒 唔知自己講咗咩出口 十幾年之後 估都估唔到 我會經常俾上司同事推上台講嘢 我諗應該係佢哋覺得我講得唔錯 又或者單純係佢哋自己唔想做😂 如果你對上台演講有恐懼 每一次present都緊張到死 我有三個小小建議 1. 臨門練習 說話同肌肉一樣都係有記憶 就算我而家講得幾輕鬆 我每一次有重要嘅talk 開始之前一個鐘 我都會book間房 同空氣練習兩三次先出去 有時我甚至會叫一兩個同事入嚟俾下意見我 2. 笑笑笑 人嘅面部表情係會互相感染 如果你黑口黑面 或者成個厭世樣 個個望到你個樣都會跟住你黑 跟住你望到所有人黑面望住你 只會會令你更加緊張 所以由人哋開始見到你嘅一刻一定要識得笑 天生唔識笑嘅人麻煩對住塊鏡練下 3. 揀啱人望 無論演講或者開會講嘢嘅時候 盡量揀一個係專心望住你嘅人去講 揀一個會對你講嘅嘢有反應 最好個樣係會笑同埋親切 咁樣你望住佢講嘢自己都會舒服啲 自己都冇咁驚