讀食品科學出身，我對添加劑著實無乜反感，近年好多人吹咩要食原型食物。但實際上你以為嘅原型食物，好多都經過數以千年的育種，先會改良到而家咁易入口，又經過烹調，已經大大改變咗性質，真係嚮山邊摘個野果可以放落口咩。 好多人口中的化學野，本身係天然來源，例如比人妖魔化幾十年嘅味精，原本係海帶提煉出黎，然後慢慢發現好多食物本物係有味精，而鮮味(Umami)亦被食品科學接納為甜酸苦咸外第五種基本味。唔知而家學校生物科改咗未，定係仲教緊味精本身無味。 好多人妄想可以避開所有防腐劑，其實唔食防腐劑的風險，係遠遠大過食到少少防腐劑，長期食防腐劑可能要幾十年先生cancer，但一次食物中毒可以致命。 好多食物中毒的個案，本來係可以落少少防腐劑去處理，不過，大家驚防腐劑多過食物中毒。