溫哥華滑雪教練 好記得方力申當時搞游水學校，佢話我哋係要教學生點樣去面對挫折，教佢哋點樣接受失敗。 作為教練，我第一重視嘅肯定係安全，企上塊板亂咁衝唔代表型，只係你有啲膽，同埋做人不負責任，無諗過撞到人點算。 第二就係同學仔能唔能夠享受呢個運動，每個人都有自己節奏，有啲人初頭可能滑得特別慢，但有跟住指導去從0開始打好肌肉記憶，所以後面起飛嘅時候特別好特別高。 發掘學員嘅優點，係佢哋沮喪嘅時候畀適當嘅鼓勵，陪佢哋接納然後重新認識自己，全部都係我要提供嘅專業服務。