20250122 省港盃 香港隊 對 廣̶東̶隊̶ (深圳新鵬城) 今場就算唔識睇波嘅，都會睇到對手有幾揦鮓同冇品，係睇到好撚燥，但唔多講了。 今日有事遲咗入場，下半場開波前先趕到大球場，好似係第一次坐非球迷區睇港隊，原來嗰片不停打氣同問候對手嘅紅海，由側邊睇係相當震撼。辛苦晒 @hkchisinlo @tpohk 同所有有份打氣嘅球迷。 重點想讚一班香港隊嘅球員，呢班並唔係港隊大港腳嘅常規正選，有好多甚至未入選過，球迷們（包括我）可能對佢哋有啲陌生，尤其有啲球員喺本地球會冇太多上陣機會，又或者好似曾以行、劉家喬呢啲喺外國讀書，冇咩機會睇到佢哋踢波，更奢論見到佢哋披上港隊戰衣。 第一回合之前以為呢隊論牌面頂多係香港C隊嘅會毫無招架之力，但兩回合踢落有板有眼，技術上嘅不足就用拼勁同態度搭夠，表現完全不落下風。 今場固然係輸咗，但我見到嘅係完場時好多球員嗰份失落同唔甘心，感受到佢哋真係好想贏同已經搏盡咗，一場半場嘅失利唔緊要的，最緊要係喺場上嘅態度唔可以輸。 No matter what We are the Hong Kong boys🔥 香港隊