今日見左一個case，案主係一個中年男人，同佢傾左好耐關於親密關係。佢最近正在處理離婚，同時亦處理緊同佢女友嘅關係問題。 👨🏻‍🦰：其實係咪所有女仔都係咁，面對其他人嘅時候佢地好冷靜架，但偏偏對住我，講唔夠幾句就發脾氣 我：咁你覺得點解呀？因為呢段係親密關係，我地會有期望，對自己又好，對對方又好，但表達得唔好嘅時候，就會情緒行先 👨🏻‍🦰：其實我都好怕，以前老婆又係咁，我以為離開左無事，點知而家女朋友又係咁 我：咁你通常點處理呀？ 👨🏻‍🦰：我會避開唔返屋企，最怕見到佢地發脾氣。其實呢幾日住左院都好，有啲空間俾我冷靜下，諗下點樣面對個問題，我覺得我有更ready去面對 同佢傾到呢度，唔知點解我就諗起張生以下呢段talk。到底係咪因為我地嘅生活太急速，每分每秒都被唔同嘅雜務所佔據，所以有好多人際關係，都好似變得更複雜 原來有時只需要一個空間，兩個人分開下，企遠少少，去睇返對方嘅世界，已經可以化解到好多問題。從前嘅人喜歡寫信，喜歡以物品寄託自己嘅思念，現代人覺得訊息更方便，卻遺忘左嗰種「我唔需要你回應我」嘅單純。但願我們活得慢一點，感受真一點，也愛得更無條件一點