有劇透 本着支持香港電影去睇，特別呢啲低成本嘅非主流電影，其實好想支持 初頭對呢套電影好有期望，以為佢會有好多黑色幽默，又攞獎又成，會有好多我哋呢班新移民感到共鳴嘅嘢，但故事荒誕，第三個故事直頭係敗筆，破壞晒成套戲。 電影入邊有三個故事，由三位導演執導，頭兩個故事尚算串連，分別講述兩個唔同嘅主角，雖然個故事好似一套鬧劇咁完咗，講到加拿大警察好似美國香港咁一嚟就開槍好唔make sense，全部人死晒結尾有啲馬虎，但我覺得個呢套電影喺嗰個位收尾就算。 第三個故事就好似做group project 啲組員各有各做，完全唔串連，唔知做乜嘢 無啦啦咗懸疑片，無論故事風格，拍攝手法，所有嘢都變到不倫不類，個地產經紀唔知發生咩事，睇睇下樓掉低咗個客自己走咗去，最後原來想講將個地下室變劏房租咗比好多人。 我嗰場係導演謝票場，導演話佢想表達地產經紀都係有危險嘅工作，150年前有好多華人嚟加拿大起鐵路死咗好多人……個導演自己都解釋唔到同驚慄片有咩關係。 如果你諗住睇呢套電影，可以幫你抒發住喺加拿大嘅一口烏氣，咁不如調整心態入場只係睇Jessica算。 # 敗走麥城