22Jan 宜家每日啲情緒看似好穩定但又好似好唔穩定咁 前一日可以好開心好正面第二日又開始頹頹地好emo 但係我feel到自己已經係冇咁在意復唔復合到嘅問題 同埋開始少咗掛住你、諗起你 不過有時都係會有啲心痛有啲可惜 之前覺得夜晚係最脆弱最難捱 呢幾日發現其實朝早擘大眼個刻先係 對於每朝已經唔洗同你講早晨都仲係有啲唔慣 搞到起身個下都仲會有啲心痛有啲抖唔到氣 所以宜家每朝我都會self-soothe咗自己先 等自己覺得實在啲冷靜啲先再出門口 呢兩日收工都直接返咗屋企 冇咗上個禮拜個種好驚留係屋企/好驚冇人陪嘅狀態 宜家嘅我會自己搵嘢做去填滿收工後嘅時間 唔需要下下要人陪 反正就好似變返未同你一齊好獨立嘅自己