一沉百踩💩 見到呢個標題，都知道今日嘅9up話題，就係最近灣區取消航班事件❌ 灣區聲稱因為飛機延遲交付以及定期檢查，所以要取消航班，呢個理由行內人聽到，就知道係笑話，一架飛機幾時需要做定期檢查，應該一早計劃好，唔會冒險去明知道要做定期檢查，都照排晒啲機去飛，然後搏新飛機會準時到，填補返啲空缺，所以呢個理由係完全唔合理，兼擺咗民航處上枱😭 真正嘅原因，好可能都係因為呢幾條線做得太差，蝕太多錢，諗住擺個好啲嘅原因出嚟，點知弄巧反拙🤕 苦主超過五千人，唔知灣區會唔會從此一蹶不振呢😮‍💨 睇返以往較大規模嘅取消航班，比較接近嘅可能係姨仔2017年黃金周事件，當時姨仔仲未被大柴收購，取消咗18班機，但影響人數都有三千人，最後係要上晒立法會交代同道歉，仲有一連串嘅手尾要跟，兩件事比較，可以觀察得到，灣區取消200班機先有五千客，真係賣得好差😞  至於其他嗰三間，我比較放心，因為佢哋都曾經吃過監管機構唔少嘅苦頭，知道有咩界唔可以踩，航班調動取消航班呢啲其實都屬於正常操作，只要安排妥當，我希望大家都可以體諒下航空公司，始終營運環境唔容易🔥 最後，希望灣區經一事長一智，務實做好本分👩🏻‍💻