一直影景直至花光所有運氣 Day148 今日上堂 講一個topic幾好 就簡單一個字 「人」 喺地球上生存 總不能自己一個「人」而活 除非你流落荒島 否則衣食住行都係靠別「人」 只係有啲「人」係可接觸嘅 例如屋企樓下既保安，清潔工人 可以面對面溝通 我哋着緊既衫，坐緊既櫈 就唔可能同製造既「人」溝通喇 識得同「人」相處係好緊要既 而點樣去學得識 就只可以透過觀察與實踐 我就好鍾意去觀察同閲讀人既 例如 有啲人鍾意認叻 有啲人鍾意講人是非 有啲人鍾意指指點點 如果佢哋有另一半 夾埋一齊睇仲好睇 每個人既性格塑造 或多或少同佢哋既 成長有關 居住環境有關 教育有關 好多相關既可能性 而拆解到一個人 自然可以得到無窮無盡嘅相關資訊 「人」只係一個載體 入面既靈魂先係精粹 不過最近睇到條reel 話如果交友時遇到對方同你講 「我覺得你係一個有趣嘅靈魂」 咁就要小心啲 我不便解釋 請自行google 攝於天天向上既電梯旁 下午7:27