喺好耐好耐之前，講緊旺角仲有行人專用區嘅年代... 讀緊大學嘅小編有日自己出旺角，打算上二樓書店搵本書。 點知行到銀行中心附近，畀個中年大叔截住。 佢問我：「可唔可以幫手做問卷？我今日做唔到一份，就冇工返。」 我見佢神情落寞，講到就嚟喊咁，就好心幫佢做。 點知做完之後，佢話：「多謝你幫手做完問卷！我想送份禮物畀你，不如而家上我Office攞？行兩分鐘就到！」 我話唔使，即刻走咗。 點知之後嗰個星期，喺旺角佢又見到我，又問我做唔做問卷，又同我講，做唔到一份，就會冇工返... 尋日睇返公司條YouTube片（見留言區），原來而家仲有問卷黨，係咪有啲 Old School... 唔知大家又有無遇過呢？