其實事到如今咁多日，香港迪士尼樂園 都冇再打電話通知最新情況，基本上都預咗呢隻Oswald，唔會由CM執到，交返去City Hall畀同事跟進，然後再同我地聯絡；反之都幾肯定有人有貪念，喺我朋友跌咗之後，就自己收埋咗，本來嘅一宗失物嘅案件，就進化到涉嫌有人喺園内進行偷竊。 正如我之前講過，因為園内商店發生多宗盜竊案，園方為保障商品收益，於是報警求助，並且安排便衣警員散佈園區，結果就收到成效，成功捉到一個有組織嘅盜竊集團。但如果有熟悉迪士尼商店設計同商品嘅跪友都知道，樂園商店都選用自由出入方式設計，而收銀處都唔係喺門口附近，縱使商店裏面裝有CCTV系統，萬一真係有人偷野，CM或者保安係咪真係可以即時阻止、人贓並獲交由執法部門跟進？如果真係得手可以離開現場，園方又有冇辦法喺呢啲人離開樂園之前捉得返同起出失物？ 同埋其實喺呢件事發生之前，早兩年我都曾經喺故事劇場裏面，跌咗一個headband，雖然已經即刻去City Hall 報告，但同樣最後不了了之。我當時都好奇怪，點解喺一個範圍有限嘅場所裏面，居然都可以搵唔返一個咁specific嘅item？（留言續