揸的士 day 66 18:00 荃灣 三站 ， 女士 客： 師父呀， 我頭先call左好耐都無車呀 我： 係呀，呢個時候好多人call車架 客： 呢兩年我每日都搭兩次的士， 但自從有次經歷之後，我就唔截街車喇 客： 果次我行行吓， 中途要轉目的地， 其實都係係青衣，但個師父就即刻黑面， 跟住講哂粗口， 亂咁揸， 超速急停逆線乜都出哂， 最後搞到要報警。 我： 下， 改目的地好閒咋喎，去屯門就話者 客： 佢開頭唔應機， 咁我覺得佢有情緒， 就唔出聲啦， 之後佢就黎料喇 我： 其實你都幾站啦， 好做呀， 咁都要發脾氣？ 客： 到最後佢鬧到我個小朋友喊哂， 咁我就話， 去差館啦，唔好嘈。 到左差館我都忍唔住喇， 喊左 我： 搞到咁，哂大家時間 客：呢件事搞到我個小朋友驚左搭的士， 有一段時間死都唔上車 我： 創傷後遺症… 中途站，接佢小朋友。 客： 呢個叔叔好人黎架。 我： 係呀， 我唔鬧人架。😎😆 小朋友： （扮兔哥叫聲） 蛤～～～？！！ 我： 🤣🤣 傻左？ 到站。 小朋友： 多謝叔叔， bye bye. 我： bye bye. 客： 唔該晒你呀，師傅。