近排大家都熱烈討論 我又諗返起生日會 成場差唔多成千位獸獸 個仔個嘴角都笑到麻痹咁制 都係仍然望住每一位對眼 聽對方講嘢 回應對方 個日我坐好後 望住個mon都戥佢攰 所以先想講兩句 氹佢笑一個 偶像係人 fans都係人 生理需要有邊個人類係無 我同朋友們會為咗每次見面都美好 唔想錯過任何一秒 甚至連去洗手間時間都會set好 每次等待半日 只為見個零鐘 或者更短 都只係因為喜歡 喜歡先會有情緒波動 因為呢位偶像係心入面佔一席位 所以先會有起有落 我成日話偶像唔係神 唔可以將佢做嘅對與錯都合理化 點解要認為同自己觀感不一嘅人就係敵人？ 感到失望後分享 點解會變成俾第三方批判對錯嘅箭靶？ 唔通費心費神喜愛一個人係為咗買難受？ 想要嘅都只係交流時 當中個幾秒間獲得嘅雙向情感 有時偶像可能唔知道 自己給予嘅情緒價值 威力係可以勝過千千萬萬次心理治療 我明白個種失落 明明去見自己嘅維他命 結果反而無變健康 仲留低一大堆副作用 除非全班fans都係抖m 被冷漠對待都fine fine 咁我就無嘢好講了🙌🏽