《喺有限生命入面留下足跡》 ⁡ 人生匆匆幾十年，無人預知到自己幾時會離開，亦唔知意外定係聽日會到先！既然係咁，我選擇喺世界留低多啲足跡👣 ⁡ 13年前，17歲嘅我被確診系統性紅斑狼瘡症。疾病無聲無息降臨喺生命入面，初時好難接受，尤其當年我準備應考公開試，明明覺得自己狀態大勇，點知一個突如其來嘅病搞到我亂晒，又攰又周身痛、記憶力差咗，集中唔到精神…當時壓力爆煲，最尾憑着信念捱過咗 ⁡ 13年嚟其實冇停過出入醫院，有時甚至喺醫院仲多過我喺屋企嘅時間，除咗少咗時間同屋企人、朋友相處，我亦因為住院錯過咗啲嘢！遲吓分享 ⁡ 5年前我讀緊大學三年級，確診咗個一百萬人先有一個人有嘅罕見病，感覺生命充滿挑戰！ ⁡ 雖然我嘅人生軌跡同其他人唔同，但我感激患病令我學識好多嘢🫶🏻😌 ⁡ 經歷除咗令我成長，諗嘢成熟咗之外，我都嘗試咗好多一般人好難會經歷嘅嘢！好似出書、搞市集、接受訪問咁，每次都係我寶貴嘅人生經驗😀 ⁡ 過程可能有啲艱辛，但我想講嘅係病已經夠折磨人，所以我選擇喺我無咁病嘅時候體驗多啲唔同嘅嘢🤓費事浪費時間啦，係咪先？ ⁡ 既然唔知自己生命有幾長，就一定要及時行樂，繼續喺世界上留低多幾條腳毛🤭🤭