今日阿女返半日學 尋晚同佢一齊整理咗啲假期功課，有啲其實佢已經做咗，所以未做嘅得三樣 + 一篇作文 今日我返工，嫲嫲湊放學，計1點前返到屋企，2點食完午飯，4點出門游泳訓練，中間大約有1hr30min 🤓 寶貝女，聽日放半晝，咁返唻食完lunch休息一陣就做功課啦，頭先同你一齊執齊咗喺書枱，係咪？ 👧🏻 嗯...有三樣 🤓 咁聽日要游水，游水前大約有1個半鐘。請你自己安排時間，喺出發游水前，做好功課，ok？ 👧🏻 吓？ 🤓 頭先執功課你自己睇到啦，三樣都係少少嘢，作文唔駛做住，放假媽咪會陪你做 你諗吓，如果你好好利用嗰段時間做功課，等爸B媽咪放工返唻，就有時間一齊玩/ 睇電視，又有多啲時間睇書 👧🏻 但係如果做唔晒呢？ 🤓 唔會㗎，媽咪相信你做得到，你一定得 👧🏻 Okay… I will give it a try 我成日同阿女講，媽咪都學習緊好好說話 希望今晚唔好再上演激氣系列 🙏🏻