忽然回想返，10年前第一次一個人踏足日本去東京，覺得機場巴士去新宿比鐵路易懂易明又快，就走去搭機場巴士，最終真係好快到😂。反而而家會諗塞車，就算方便都唔敢再搭。 同埋嗰時覺得酒店好貴，膽粗粗book間喺千駄谷嘅airbnb，每日新宿轉車，落車仲要行10分鐘先返到，但沿途經過民居其實感覺幾特別。而家搵親酒店都必定喺大站隔籬，錢唔係問題最緊要方便，係慳咗好多時間，但酒店就真係只用嚟住，附近就只係百貨公司，冇體會可言。 不禁覺得，知道越多、識得越多，反而畀咗更多框框自己，唔敢再去挑戰😮‍💨