以前聽到話自從某年之後地鐵氣場好差，搞埋宋皇臺之後就係極差，最好冇咩事就唔好搭，咁我住地鐵附近冇可能唔搭㗎嘛，都係一笑置之，而且我更加頂唔順巴士。 但係嗰日我開始病但又約咗阿媽要出去（嗰吓我都未知自己中咗腸胃炎），本來覺得仲頂得順嘅，但哇搭幾個站就有種窒息感同虛弱，空氣極差嘅感覺，係我搭地鐵從來冇感受到嘅。其實架車唔chok仲開得好慢，閒日下晝又唔係多人。回程好在同阿媽呻吓佢俾咗個口罩我，隔一隔係有用冇再作嘔（我平時唔戴嘅）。 咁點解唔係話地鐵空氣差而覺得係氣場問題呢？ 因爲嗰日我係去廟度還神，入咗大殿個人即刻覺得爽曬精神返，好似個人上咗buff有個barrier罩住咁😂出返嚟連面色都正常咗。但一入去隔離個好旺嘅商場行一轉（阿媽叫我去睇chiikawa😂）我又即刻覺得好唔掂要搭車返屋企了。個商場唔知乜L嘢事唔知係人多定點我覺得仲勁過地鐵... 唔係promo迷信，我總結都係所以人有病真係唔好勉強，留喺屋企休息好好食藥爭取快啲好返算吧😂