Kris Jenner 係佢每個女生日果日必定出個post寫:”you are the best mummy, daughter, sister”，試過俾班女笑佢例行公事😂 早幾日我姨甥生日，睇到佢老媽子為佢生日賣左條命咁滯（其實基本一直係度賣命），大少好精靈，好健康，好鬼多表情，又好多野講，佢係一個快樂既小朋友，我果下忽然間意起Kris 原來佢唔係準時交貨，she is really proud of each and everyone of them。因為我都覺得我個妹係the best mum，雖然佢好撚癲，係佢身上我感受到unconditional love，佢會同大少講媽媽好愛你，我呢個唔關事既姨媽都好希望佢呀媽唔會因為佢遲下大個左而唔同佢講「媽媽好愛你」 上一代人想攬攬自己父母都會覺得毛管戙，更何況講我愛你。我成日覺得自己比較缺愛，宜家諗返，可能只係我同父母既love language唔一樣。但點都好，愛呢樣野除左需要行動之外，係適當時候講埋出口會變成給予對方既一種動力 ❤️