<網紅與KOL分別> 近年見到越嚟越多人做網紅 後生又有 阿叔又有 師奶都有 有調查指KOL已經成為Gen Z夢想職業嘅頭一位 高過晒咩醫生 律師 ibanker 有時聽到阿邊個個女而家做KOL IG有幾千followers 影啲相好靚 近排又聽到有個所謂網紅係銀行主席嘅情婦 聽得多網紅同KOL呢兩個字 有陣時我自己都分唔清 所以今日想整頓大家對兩者嘅定義 網紅 主要分兩種 一種係吸睛 即係型男索女 人天生鍾意望靚嘢 用有魅力嘅外表吸引目光 自然多人想睇 但係花瓶嘅作用係裝花 所以冇人會在意花瓶裏面係咩樣 另一種係用行為吸引人嘅網紅 例如 做出位嘅事引起我哋嘅好奇心 或者 投射出各種生活模式滿足我哋嘅慾望 又或者 用動聽嘅故事觸動我哋內心深處 玩弄情緒 製造關連性 就係佢哋嘅強項 而KOL Key Opinion Leader 關鍵意見領袖 多數被斷定為某個領域嘅專家 佢哋講一句 有效過你同我加埋講一百句 例如 我話部電話好用 你唔會信 但係如果MKBHD話正 你唔洗比較即刻就買 網紅同KOL最大分別就係影響力 網紅 我會睇 但唔一定會信 KOL 我需要建議 就一定搵佢