有好多人都會將自己嘅標準，套落到所有其他人身上，即使被要求能夠達到目標嘅人係佢，都會用自己嘅標準去否定別人嘅要求。 曾經去見一份工被問到：著住衫褲你游唔游到水？然後我就幻想一下自己著住T-shirt短褲，響沙灘衝落海都游到去浮台，咁就應該算游到，所以我答應該可以。 於是佢哋接受我嘅申請，而我會自信滿滿的原因係，佢哋話見我咁大件，雖然冇咩肌肉但操起自然就會有，連體能測試都唔需要就叫我等second in。 當時其實我係半信半疑咁再問多一次：我真係咩都唔使做就走得？佢拍下我膊頭然後俾咗隻手指公我，咁我就走咗。 之後我心裡面其實係預咗人家只係好客氣咁請咗我出局，所以我就放低咗件事。 直到有一日收到軍部有份叫我去報到做水試嘅文件，我先至相信原來係真嘅。 原來著衫游水係指，著全套軍服連背心外套長褲，唔連鞋襪，要不能停游100米。 我唔係去做特種部隊，只係去做個mechanic，阿媽知道後嘈到拆天唔俾我去當兵，雖然我已經講咗我唔係，但一想都到我完全冇操過，咁樣我就順便放棄埋。 知恥近乎勇。