多謝報導🙏 關於報導原文中提及粉絲要團結，槍口對外， 事件後幾日都見到有粉絲不斷講話咁多過去恩恩怨怨無可能和解， 呢度我覺得要clarify返， 粉絲只係一班同好，可以來自好唔同嘅文化背景，門檻亦可以話係無，彈出彈入又得，浸唔出同一個性格特徵，平時聽開呢啲就係叫樹大有枯枝，但主要就係價值觀相沖，同價值觀相沖嘅人frd唔埋係好正常。 所以絕對絕對唔係要咩世紀大和解突然攬頭攬頸， 純粹係想你地唔好槍口對內， 同埋唔好「掛住」槍口對內，搞到睇唔清周邊環境。 毒粉如果係真粉但偏愛響室內開槍呢啲唔只係價值觀分隔線，已經直頭係智商分隔線。 我唯有唔當你係自己人，話知你內鬼定純on9。 而其他正常人如果要被呢啲內鬼／on9 成日撩動到好情緒化就好蝕章， 情緒蓋過理智時係睇唔清成個版圖、做唔到好嘅決定的，分分鐘仲會情緒上頭行錯路一失足成千古恨。 而你嘅情緒亦會傳染比同擔，幅射散發，人地一搜你偶像個名成個pool都係你地啲無限loop負面情緒，輕則趕客重則影響埋粒仔心情。 建議classy啲應對，起碼可以睇到有多啲可以委以重任，靠得住顧得掂自己可以帶出去闖嘅穩重型粉絲吧，否則打國際路線都只係正主拖飛機。