想講 以前中學聽新青年理髮廳 同依家聽新青年理髮廳又係唔同feel 可能係因為以前個種歷練同人生唔經驗唔夠多 以前淨係覺得幾好聽 冇聽到弦外之音 都feel唔到啲咩 依家唔敢講好多經歷 但只係對比以前多咗少少 依家聽番覺得好多歌都好中個心想講嘅野 好似24咁 中學聽覺得冇咩feel 覺得24歲嘅自己應該好成熟 唔係佢地咁樣講咁樣吧？？ 但依家真係過咗24 聽到24啲詞真係好中... 「想想 想起了舊時 突然過了24 仍然喜歡天真 仍然喜歡簡單 喜歡笑 想想 幾多都改變 突然過了24 仍然很多規則不會守 仍然很喜愛自由 24老實說我未想大透」 當中 老實說我未想大透...仍然很喜愛自由...可以話係我呢排諗得最多嘅野吧 「我係咪大個咗？我係咪仲咁愛自由？」 不過其實都幾理解佢地會散band嘅理由嘅 一嚟政見啦 呢個理念唔同都可能唔可以再作到有共鳴嘅歌 二嚟其實好似都好緊要 就係基於現實嘅考量 現實就係如果你仲堅持夢想 你要有你嘅取捨 就係佢哋可唔可以用新青年理髮廳去賺到錢搵到食甚至養另一半 cm繼續...