演唱會前踩場試音拍MV 謝霆鋒新歌親自作曲冧Fans 謝霆鋒嘅啟德主場館《Evolution Nic Live謝霆鋒進化演唱會》要4月先有得睇，今日佢就推出自己作曲嘅全新廣東Solo《逆行》，俾Fans止止渴先！ MV喺啟德主場館拍攝，霆鋒喺場中心彈結他，大晒不羈的「鋒」！作為呢個場地嘅亞洲第一歌手喺度開騷 ，係威嘅！「其實當日主要係想喺場地試音，之後就順便影埋演唱會海報。拍拍吓，大家忽發奇想，其實係咪可以喺度拍埋新歌MV呢？因為都覺得係一件好有代表性嘅事。有關方面亦都好好，最後俾我哋喺度拍埋MV。」型呀！ 謝霆鋒 #Viu1