重建社交圈子。很難，但平常心。 我愛用這個比喻，打開門做生意，100個人行過，都可能只得3-5個客 （電商行來術語： conversion rate)，何況交朋友？ 識幾十人，能有三幾個談得來，已很幸運。 再深交，能否 deep talk，便要看緣份。 尤其是，我這輩已幾十歲人， 交友方面更會慢熱。 但如果連主動 "蒲頭"， 或那些基礎的搵屋、搵車、搵學校、搵 GP、日常買餸煮飯都唔開始， 更加沒機會結緣。 (當然，獨 L 一個最開心係得嘅，如果真係開心） 最多話不投機就閃開， 但亦都唔好太快就 judgemental... ... P.S. 個人而言，只要對家都是客客氣氣，只要唔係問我幾錢身家，住所租定買，幾錢，有冇嘢做，我就唔係太介意講。至於聽完，喺心裡面，會將我嘅 "社經地位" 狀況擺喺鄙視鏈 （呢個大陸潮語個人認為很抵死，但意識不好）邊一層，我又唔係好 care ~ P.S.S. 談得開心，亦都實在要喺袋裡面，袋多少少人蓄無害嘅話題。 無可否認，有啲人好自然好吹得， 有啲就真係好唐突 ... ...