其實我都有諗過呢樣嘢 佢彈琴技巧上的確同「專業演奏級」有啲距離 （而佢自己都知自己唔係彈得「好勁」） 但佢自彈自唱嘅表演就係有佢嘅賣點 講緊係「自彈自唱」，唔係齋彈 齋彈琴我聽其他專業鋼琴家就得 （本土年輕鋼琴家大推公子KJ 黃家正🤩） 但能夠將自彈自唱擺到上紅館、亞博舞台， 而又唔太失禮 （就咁彈伴奏chord又另一回事啦） 香港又有幾多偶像明星做得到呢種程度嘅表演？ 呢個年代出到一個 絕對值得大家appreciate 另， 見comment話樂器考到8級先係剛離開新手村 好啱㗎 但事實又勁多人離開到新手村就即刻放棄🙈 亦有更多人連新手訓練都捱唔過😅 個個都學琴，你估個個都學到琴咩🤷🏻‍♀️ 加上學到彈琴係一回事， 練到自彈自唱又另一回事 係咪真係周街捉個人都做得到？ 我就有所保留🙂